81 წლის ტეხასელმა მეგობრებმა მსოფლიოს გარშემო მოგზაურობა გადაწყვიტეს, მიზანს 80 დღეში მიაღწიეს და ინტერნეტის ვარსკვლავებადაც იქცნენ. ელიმ და სენდიმ მოგზაურობა 11 თებერვალს დაიწყეს და დალასიდან არგენტინაში გაფრინდნენ. თანდათან კი ყველა კონტინენტს ეწვივნენ და სამახსოვრო ფოტოებიც გადაიღეს.

თითქმის 3-თვიანი მოგზაურობისას მეგობრებმა მსოფლიოს მრავალი ღირსშესანიშნაობა მოინახულეს, რომში რამდენიმე დღე გაატარეს და ეგვიპტეში აქლემებთან ერთად სამახსოვრო ფოტოებიც გადაიღეს. რამდენიმე დღის წინ კი ტეხასში დაბრუნდნენ და ახალი თავგადასავლებით თავს ძალიან ბედნიერად გრძნობენ.

@aroundtheworldat80 Around the World in 80 days at 81! Best friends #sandyandellie are in Egypt! #bffgoals #camelrides #luxoregypt #grandmas #over50travel #bucketlisttravel ♬ Livin' My Best Life - Dylan Scott

"ელი, რატომ არ ვიმოგზაუროთ მსოფლიოს გარშემო 80 დღეში, სანამ 80 წლის ვართ? — ეს იდეა სენდიმ შემომთავაზა. რამდენიმე წამი დავფიქრდი და ვუპასუხე, რატომაც არა-მეთქი", — იხსენებს ელი. მართალია, მეგობრებს მსოფლიოს გარშემო 80 დღეში მოგზაურობა 80 წლის ასაკში სურდათ, თუმცა ეს პანდემიის გამო ვერ მოახერხეს. ცოტა მოგვიანებით კი, მიზანს მაინც მიაღწიეს.

ტეხასელი მეგობრებმა მოგზაურობის დაწყებამდე ტიკტოკის ანგარიში შექმნეს და მთელი ამ დროის განმავლობაში ვიდეოებს სოციალური ქსელის მომხმარებლებს უზიარებდნენ. ელი და სენდი ინტერნეტის ვარსკვლავებად მალევე იქცნენ და ბევრი ადამიანის მოწონებაც დაიმსახურეს. მათი მოგზაურობის ვიდეოების ნახვა ამ ტიკტოკზეა შესაძლებელი.