ტრანსგენდერი ქალი მარია კასენკო On.ge-სთან საუბარში ჰყვება, რომ დღეს დილით, მის საცხოვრებელ სახლს ქვა ესროლეს და ფანჯრის შუშა ჩაუმსხვრიეს:

"ალბათ ეს ყველაფერი 5-დან 7 საათამდე მოხდა. დილის 9-ზე ავდექი და დამხვდა ასეთი სიტუაცია. კარის შუშაა ჩალეწილი და ფანჯარაზეცაა მონახვედრი ქვა. ისე მეძინა, რომ ხმა ვერ გავიგე. ორმხრივი მინაა და გარეთა ნაწილი გატყდა".

მისი თქმით, ჯერჯერობით ტრანსფობია არ არის გამოკვეთილი.

შინაგან საქმეთა სამინისტროში On.ge-ის განუცხადეს, რომ დაწყებულია მოკვლევა და ამის შემდეგ მიენიჭება საქმეს შესაბამისი კვალიფიკაცია.

მსგავსი ფაქტი აღნიშნულ ბინასთან პირველ მაისსაც მოხდა, როგორც დაზარალებული On.ge-სთან ინტერვიუში ამბობდა, პირველ მაისს, საღამოს, იგი თავის ოთხ მეგობარ ტრანსგენდერ ქალთან ერთად იმყოფებოდა, როცა სამმა პირმა, ტრანსფობიურ ნიადაგზე ქვები დაუშინა მათ სახლს.