რატომ არის მნიშვნელოვანი: მთავარი არხისა და TV პირველის ჟურნალისტები ქართული ოცნების დეპუტატს, ელისო ბოლქვაძეს აშშ-ის სახელმწიფო დეპარტამენტის მიერ მოსამართლეების სანქცირების შესახებ უსვამდნენ კითხვებს, თუმცა პასუხი ვერ მიიღეს.

  • "თუ კითხვები გაქვთ, მობრძანდით ჩემთან კულტურის კომიტეტში და გაგცემთ. ასეთ ფორმატში არა, არასდროს არ მივცემ არცერთ ტელევიზიას".
  • TV პირველის ჟურნალისტმა აღნიშნა, რომ პირდაპირ ეთერში იყო და ბოლქვაძეს უთხრა, ხომ არ სურდა, ეპასუხა მაყურებლისთვის, რომელიც უყურებდა.
  • "თქვენს მაყურებელს მე არ ვცნობ" — უპასუხა ქართული ოცნების დეპუტატმა ჟურნალისტს.
  • "რა გინდათ ახლა დამაბულინგოთ? თუ რა? მე ხომ გითხარით, რომ არ გცემთ პასუხს, ახლა რა ენაზე გითხრათ, ფრანგულად, ინგლისურად, რუსულად თუ ქართულად", — დაინტერესდა ბოლქვაძე.

აშშ-ის სახელმწიფო დეპარტამენტმა ქართველი მოსამართლეები, ე.წ კლანის წევრები, ლევან მურუსიძე, მიხეილ ჩინჩალაძე, ირაკლი შენგელია და ვალერიან ცერცვაძე დაასანქცირა.

  • განცხადებაში აღნიშნულია, რომ მოსამართლეები "მნიშვნელოვან კორუფციულ საქმიანობაში ჩართულობის გამო" სანქცირდებიან.
  • სახელმწიფო დეპარტამენტის განცხადებით, მათ ბოროტად გამოიყენეს თანამდებობა, როგოც სასამართლოს თავმჯდომარეებმა და იუსტიციის უმაღლესი საბჭოს წევრებმა.