Forbes-მა ტრადიციულად გამოაქვეყნა მსოფლიოს უმდიდრესი ადამიანების ყოველწლიური სია, სადაც ბიძინა ივანიშვილის ქონებაცაა მიმოხილული.

რატომ არის მნიშვნელოვანი: გამოცემის შეფასებით, ივანიშვილის ქონება $4.9 მილიარდს უტოლდება.

  • მონაცემი გასულ წელთან შედარებით $100 მილიონითაა გაზრდილი.
  • სიის მიხედვით, ივანიშვილი მსოფლიოში 544-ე უმდიდრესი ადამიანია.

დეტალები: Forbes მიმოიხილავს Credit Suisse-სა და ივანიშვილის ურთიერთობასაც.

  • გამოცემის თანახმად, ბიძნა ივანშვილმა დაახლოებით $1 მილიარდი ანდო Credit Suisse-ს, მაგრამ ამ თანხიდან 100 მილიონ დოლარზე მეტი ბანკის მენეჯერმა, პატრის ლესკოდრონმა მიითვისა.
  • ლესკოდრონი 2018 წლის თებერვალში დამნაშავედ ცნეს და ხუთი წლით თავისუფლების აღკვეთა მიუსაჯეს.
  • 2022 წლის დეკემბერში Credit Suisse-მა ივანიშვილს სასამართლოს გადაწყვეტილებით $210 მილიონი გადაუხადა.