სამტრედიის რაიონულმა სასამართლომ შვილზე ძალადობისთვის პირს ერთწლიანი პატიმრობა მიუსჯა. ამით სასამართლომ პროკურატურის მიერ წარდგენილი მტკიცებულებები. სასამართლოს გადაწყვეტილების შესახებ ინფორმაციას საქართველოს მთავარი პროკურატურა ავრცელებს.

"სასამართლო პროცესზე გამოკვლეული მტკიცებულებებით დადგინდა, რომ 2017 წლის 11 მარტის საღამოს საათებში, ვანის რაიონში მთვრალ მდგომარეობაში მყოფმა გ.ხ.-მ, საკუთარ საცხოვრებელ სახლში ოჯახის წევრებთან კონფლიქტის დროს არასრულწლოვან შვილს დანით მიაყენა სხეულის მსუბუქი დაზიანება, რითაც ამ უკანასკნელმა განიცადა ფიზიკური ტკივილი," - აღნიშნავენ პროკურატურაში.

მათივე ინფორმაციით, ბრალდებული სამართალდამცავებმა იმავე დღეს დააკავეს და სისხლის სამართლის კოდექსის 1261-ე მუხლის მიხედვით (ოჯახის ერთი წევრის მიერ მეორის მიმართ ძალადობა, წინასწარი შეცნობით არასრულწლოვნის მიმართ, რამაც გამოიწვია ფიზიკური ტკივილი) დაიწყო.

მსგავსი გადაწყვეტილება რამდენიმე თვის წინ თბილისის საქალაქო სასამართლომაც მიიღო. სასამართლომ მაშინ მშობელს ორწლიანი პატიმრობა მიუსაჯა.