რატომ არის მნიშვნელოვანი: ბახმუტი, რომელიც თვეების განმავლობაში რუსეთის სამიზნეა, ყველაზე ინტენსიური და სისხლიანი ბრძოლების ეპიცენტრი გახდა.

  • რუსულმა მხარემ არაერთხელ გაავრცელა ინფორმაცია ქალაქის ალყაში მოქცევის შესახებ და მოუწოდა უკრაინულ ჯარს, ტერიტორია დაეტოვებინა.
  • მიუხედავად დიდი დანაკარგებისა, ქალაქისთვის ბრძოლები გრძელდება და რუსები მის ალყაში მოქცევას ამ დრომდე ვერ ახერხებენ.

დეტალები: ვაგნერის დაქირავებული ჯგუფის ხელმძღვანელმა ოთხშაბათს აღიარა, რომ უკრაინის ქალაქ ბახმუტისთვის ბრძოლამ სერიოზული ზიანი მიაყენა როგორც საკუთარ ძალებს, ასევე უკრაინულ მხარეს.

  • ბრიტანულმა სამხედრო დაზვერვამ ოთხშაბათს განაცხადა, რომ უკრაინელებმა წარმატებით განდევნეს რუსები ქალაქის მიწოდების ერთ-ერთი მთავარი მარშრუტიდან.