ინფორმაციას სამართალდამცავი უწყება ავრცელებს.

რატომ არის მნიშვნელოვანი: პროკურატურის ცნობით, დადასტურდა, რომ 2022 წლის 28 ივლისს, მცხეთის რაიონში, ცხვარიჭამიაში, დაბადების დღეზე სტუმრებს შორის მომხდარი დაპირისპირებისას ერთ-ერთმა ბრალდებულმა დანით ჭრილობები მიაყენა მირიან კუკავას, რომელიც საავადმყოფოში მიყვანამდე გარდაიცვალა.

  • ასევე, გამოძიებამ დაადგინა განზრახ მკვლელობამდე მომხდარი დაპირისპირების მონაწილე სხვა პირები, რომლებმაც მოკლულსა და მის მეგობრებს სიტყვიერი და ფიზიკური შეურაცხყოფა მიაყენეს.

დეტალები: განზრახ მკვლელობაში ბრალდებულს — 14 წლით პატიმრობა, ხულიგნობის ფაქტზე დაკავებულებს კი 3,6 და 2 წლის ვადით თავისუფლების აღკვეთა მიესაჯათ.

  • ამავე საქმეზე ხულიგნობის, ცრუ ინფორმაციის მიწოდებისა და დანაშაულის შეუტყობინებლობისთვის ბრალდებული სხვა პირების საქმის განხილვა გრძელდება.