საქართველოს კონსტიტუციის ცვლილებების პროექტის შესაფასებლად, ვენეციის კომისია ივნისის პლენარული სესიის შემდეგ განცხადებას ავრცელებს, სადაც ნათქვამია, რომ რეფორმებს დადებითად აფასებენ. მათი თქმით, რეფორმები მიმართულია საქართველოს პოლიტიკური სისტემის განვითარებისკენ და აძლიერებს საპარლამენტო ძალებს. თუმცა, კომისია მოუწოდებს ხელისუფლებას, განსაზღვროს პარლამენტის ფორმირების წესები, რათა მეტად იყოს მიღწეული პლურალიზმი.

წერილში, რომელიც ვენეციის კომისიამ გამოაქვეყნა, წერია რომ პარლამენტის ყველა წევრის პროპორციული სისტემით არჩევა, წინგადადგმული ნაბიჯია, ვინაიდან ამჟამინდელ მაჟორიტარულ სისტემას, პარლამენტში მმართველი პარტიის წევრების გადაჭარბებული რაოდენობისკენ მივყავართ:

"პროპორციული სისტემის პროექტი, როგორც წინგადადგმული ნაბიჯი, ამ ეტაპზე შეზღუდულია სამი მექანიზმით: 5 პროცენტიანი ბარიერი საპარლამენტო არჩევნებში, 5 პროცენტიანი ბარიერის ქვემოთ გაუნაწილებელი ხმების გამარჯვებულ პარტიაზე გადანაწილება და საარჩევნო ბლოკების გაუქმება".

ვენეციის კომისიის დასკვნით, მიუხედავად იმისა, რომ 5 პროცენტიანი ბარიერი სრულიად შეესაბამება ევროპულ სტანდარტს, იგი პატარა პარტიებს უმცირებს პარლამენტში მოხვედრის შანსს.

კონსტიტუციაში ქორწინების განსაზღვრა, როგორც ქალისა და კაცის ერთობა, არავითან შემთხვევაში არ უნდა განისაზღვროს, სამოქალაქო პარტნიორობის აკრძალვად.

ვენეციის კომისია

კომისიის წერილში საუბარია პრეზიდენტის არჩევნებზეც, კერძოდ, აღნიშნულია რომ პრეზიდენტის არაპირდაპირი გზით არჩევა, ასევე შესაბამისობაშია ევროპულ სტანდარტთან: "მისასალმებელია, რომ ახალი სისტემა არ იწყება მომავალი წლიდან, არამედ 2023 წლიდან".

დასკვნაში კომისია ხაზგასმით აღნიშნავს, რომ კონსტიტუციაში, ქორწინება, როგორც ქალისა და კაცის ერთობა, არავითან შემთხვევაში არ უნდა განისაზღვროს, როგორც სამოქალაქო პარტნიორობის აკრძალვა: "საქართველო როგორც ევროპის საბჭოს წევრი ქვეყანა, ვალდებულია, შეასრულოს ევროსასამართლოს სტანდარტები, მაშასადამე იურიდიულად აღიაროს ერთნაირსქესიანთა წყვილები".