შესაბამისი განცხადება რუსეთის საგამოძიებო კომიტეტმა გაავრცელა.

რატომ არის მნიშვნელოვანი: 17 მარტს სისხლის სამართლის საერთაშორისო სასამართლომ ოკუპანტი ქვეყნის პრეზიდენტის, ვლადიმერ პუტინის დაკავების ორდერი გასცა.

  • ორდერს საფუძვლად უდევს უკრაინაში წამოწყებული სრულმასშტაბიანი ომი.
  • სასამართლო ომის დანაშაულების ჩადენის გამო რუსეთის პრეზიდენტს ინდივიდუალურ სისხლის სამართლის პასუხისმგებლობას აკისრებს.
  • ორდერი გაიცა ბავშვთა საქმეებში რუსეთის ფედერაციის პრეზიდენტის სრულუფლებიანი წარმომადგენლის, მარია ლვოვა-ბელოვას წინააღმდეგაც.

დეტალები: საგამოძიებო კომიტეტის თანახმად, საქმე აღიძრა სისხლის სამართლის საერთაშორისო სასამართლოს პროკურორისა და სამი მოსამართლის წინააღმდეგ.

  • კომიტეტი პუტინის დაკავების ორდერს უკანონოს უწოდებს და ამტკიცებს, რომ პროკურორის ქმედება დანაშაულის ნიშნებს შეიცავს.
  • "სისხლისსამართლებრივი დევნა აშკარად უკანონოა, ვინაიდან არ არსებობს სისხლისსამართლებრივი პასუხისმგებლობის საფუძველი. სახელმწიფოს მეთაურები სარგებლობენ აბსოლუტური იმუნიტეტით უცხო სახელმწიფოების იურისდიქციისგან", — ნათქვამია განცხადებაში.