ახალი ამბები On.ge

სალომე ზურაბიშვილი

7 Mar. 2023, 11:21

სანამ ჩვენ განვიხილავთ შესაძლებლობებს, რომლებიც უნდა გაჩნდეს, ჩვენ თვალი უნდა გავუსწოროთ იმ მძიმე რეალობას, რომ, დღემდე, ქალები დიდწილად გარიყულნი არიან ეკონომიკური საქმიანობის, პოლიტიკური და ეკონომიკური გადაწყვეტილების მიღების პროცესისგან და სამეცნიერო საზოგადოებისგან. ქალები კვლავ ცხოვრობენ, ან უნდა ვთქვა, უფრო და უფრო მეტად ცხოვრობენ ისეთ გარემოში, რომელიც არ არის თავისუფალი ძალადობისგან და ვერ სარგებლობენ მათი ძირითადი უფლებებით. გლობალურად, მსოფლიოს პოლიტიკური ლიდერების მხოლოდ 22%-ია ქალი, მაგრამ სიღარიბეში მცხოვრები ადამიანების 70% ქალი და გოგონაა. ყოველი 3 ქალიდან 1 ამბობს, რომ გენდერული ძალადობა განუცდია.

აქედან გამომდინარე, ქალთა და გოგონათა უფლებების დაცვა ციფრულ სივრცეში და გენდერული ძალადობის წინააღმდეგ ბრძოლა, რომელიც ICT-ის (ინფორმაციული და საკომუნიკაციო ტექნოლოგიების) მიერა ხელშეწყობილი, უაღრესად მნიშვნელოვანია.

ჩვენი მოვალეობა და პასუხისმგებლობაა უზრუნველვყოთ ამ პრობლემების გავლენის მომხდენ შესაძლებლობებად გადაქცევა. ტექნოლოგიებისა და ციფრული განათლების ხელმისაწვდომობის გაუმჯობესება ეფექტური პასუხია ქალთა ეკონომიკურ გაძლიერებაზე.

ქალების მიერ მართული ინფორმაციული და საკომუნიკაციო ტექნოლოგიების სტარტაპები, ინფორმაციული და საკომუნიკაციო ტექნოლოგიების სექტორში სპეციალური პროგრამების შექმნა და განხორციელება ქალთა ჩართულობის გაფართოებისთვის პრიორიტეტი უნდა იყოს ყველა ჩვენი მთავრობისთვის, მაგრამ არა მხოლოდ ჩვენი მთავრობებისთვის, არამედ ჩვენი კერძო სექტორისთვისაც. მათი პასუხისმგებლობა არ არის ნაკლები, რადგან მათი წილი ეკონომიკურ განვითარებაში მუდმივად მზარდია.

სრულიად დარწმუნებული ვარ, რომ ქალების განმტკიცებითა და გაძლიერებით, ჩვენ ყველას შეგვიძლია ვისარგებლოთ და მივაღწიოთ ჩვენს საერთო მიზანს — ავაშენოთ ძლიერი, თანასწორი და სამართლიანი საზოგადოებები. და მე აბსოლუტურად დარწმუნებული ვარ, რომ ამ კომიტეტს შეუძლია აქტიური მონაწილეობა მიიღოს ამ ისტორიული გზის გავლაში.

განაცხადა საქართველოს პრეზიდენტმა გაეროს ეკონომიკური და სოციალური საბჭოს ქალთა სტატუსის შესახებ კომისიის 67-ე სესიაზე სიტყვით გამოსვლისას.

0 0

კომენტარები

კვირის ტოპ-5

  1. ხამენეის მხარდამჭერი აქციის კრიტიკის შემდეგ, გიგა ბოკერიას მარნეულელი რელიგიური პირი ეხმაურება
  2. ნათია თურნავა: ოთხმა ქართულმა ბანკმა SWIFT-ის ჩინურ ანალოგ CIPS-ში პირდაპირი წევრობის სურვილი გამოხატა
  3. OC Media: განქორწინების შემდეგ, ფაშინიანის მეუღლის წინააღმდეგ შესაძლოა, სისხლის სამართლებრივი დევნა დაიწყოს
  4. მოვლენების განვითარების რა სავარაუდო სცენარები არსებობს ირანში? — ინტერვიუ გიორგი კობერიძესთან
  5. ლავროვი: აშშ არ დაკმაყოფილდება მხოლოდ ვენესუელით, ირანითა და კუბით

გირჩევთ

ახლა კითხულობენ

გადახედვა

AI "ხელოვნებაზე" საავტორო უფლებები ვერ იარსებებს — აშშ-ის უზენაესი სასამართლოს პოზიცია

აშშ-ის უზენაესმა სასამართლომ წარმოებაში არ მიიღო სარჩელი, რომელიც მოითხოვდა, საავტორო უფლებები ხელოვნური ინტელექტით…