ისრაელის თავდაცვის ძალების თქმით, ქვეყნის ცენტრალურ ნაწილში, იემენიდან გასროლილი რაკეტის გამო, საჰაერო თავდასხმის მაუწყებელი განგაში გამოცხადდა, ხოლო მილიონობით ადამიანი თავშესაფარში გადავიდა.

ამის შესახებ ინფორმაციას The Times of Israel ავრცელებს.

ამავე ინფორმაციით, რაკეტა მოიგერიეს ისრაელის სივრცის გარეთ, ხოლო განგაში იმის გამო გამოცხადდა, რომ ნამსხვრევების ჩამოვარდნის საშიშროება იყო.

თავდასხმის გამო, რეისების მიღება ბენ გურიონის აეროპორტმა დროებით შეაჩერა.