საზოგადოებრივი მაუწყებლიდან საპროტესტო აქციის მონაწილეები ბათუმელების მარშთან ერთად პარლამენტის წინ მიმდინარე აქციას შეუერთდნენ.

უწყვეტი აქციის 29-ე დღეს დემონსტრანტებმა პარლამენტთან სხვადასხვა შინაარსის ბანერები მიიტანეს.

აქციის მონაწილეთა მთავარი მოთხოვნები უცვლელია — ისინი აქციების პერიოდში დაკავებული პირების გათავისუფლებასა და ახალი არჩევნების ჩანიშვნას ითხოვენ.

მოქალაქეების პროტესტი პრემიერ-მინისტრ ირაკლი კობახიძის 28 ნოემბრის განცხადებას მოჰყვა, რომლის მიხედვითაც საქართველო ევროკავშირთან მოლაპარაკებების გახსნის საკითხს 2028 წლის ბოლომდე დღის წესრიგში არ დააყენებს.