ვიდეო თავდაპირველად ტელეგრამ არხებზე გავრცელდა.

რატომ არის მნიშვნელოვანი: უკრაინის წინააღმდეგ სრულმასშტაბიანი ომის დაწყების შემდეგ ტყვედ ჩავარდნილი სამხედროების წამებასა და სიკვდილით დასჯაზე ინფორმაცია აქამდეც არაერთხელ გასაჯაროვდა.

  • უკრაინა და საერთაშორისო ორგანიზაციები რუსეთის მიერ ჩადენილი ომის დანაშაულების ათასობით საქმეს იძიებენ.

დეტალები: გავრცელებულ კადრებში ჩანს, რომ უკრაინელი მებრძოლი წარმოთქვამს სიტყვებს — "დიდება უკრაინას", რასაც მისი მისამართით გინება და რამდენიმე გასროლა მოჰყვება. ამის შემდეგ უკრაინელი სამხედრო ძირს ეცემა.

  • ამ დროისთვის უცნობია, სად და როდისაა გადაღებული ვიდეო.

მომხდარს გამოეხმაურა უკრაინის პრეზიდენტის ადმინისტრაციის უფროსი, ანდრეი ერმაკი.

  • "ყოველი ასეთი სამხედრო დანაშაულისთვის იქნება შურისძიება. ვერავინ დაიმალება მისგან", — დაწერა მან.