ამის შესახებ ინფორმაციას უკრაინული მედიები დაღუპული ჯარისკაცის ძმისშვილზე დაყრდნობით ავრცელებენ.

რატომ არის მნიშვნელოვანი: აზოვის პოლკის პირველი ბატალიონის მეთაურმა და აზოვსტალის დამცველმა ოლეგ მუდრაკმა რუსეთის ტყვეობაში ექვსი თვე გაატარა.

  • Unian-ის ცნობით მეთაურის ცოლმა, კატერინა პროკოპენკომ ინსტაგრამზე შეტყობინება გაავრცელა, რომ ჯარისკაცის გულმა ტყვეობასა და წამებას ვერ გაუძლო.
  • "ჯოჯოხეთში გადასულ ჯარისკაცს გული გაუჩერდა", — დაწერა მან.

დეტალები: ჯარისკაცის ძმისშვილი ინსტაგრამზე წერს, რომ ბიძამისი გმირია.

  • "ოლეგ ვასილიოვიჩი არის მაიორი, გმირი, ფოლადის კაცი, ბიძაჩემი, ჩემი ძმა, ჩემი საყრდენი, ჩემი სიამაყე, ჩემი შუქურა და ხასიათის მაგალითი! დარწმუნებული ვარ, ის შიშის გარეშე გაემგზავრა თავის გზაზე", — წერს მუდრაკი.
  • მედიის თქმით, ჯარისკაცის ფოტო დაჭერამდე და შემდეგ ჟურნალისტმა სტანისლავ ასევმა Twitter-ის საკუთარ გვერდზე ჯერ კიდევ აგვისტოში გამოაქვეყნა.
  • ამის შემდეგ ყველა სოციალურ ქსელში დაშავებული მეთაურის კადრები გავრცელდა, როგორც ოკუპანტების მხრიდან პატიმრების მიმართ არაადამიანური მოპყრობის მტკიცებულება.
  • ოლეგ მუდრაკი რუსებმა 2022 წლის მაისში შეიპყრეს — მარიუპოლის სხვა დამცველებთან და აზოვსტალის მცველებთან ერთად.