რომანტიკული კომედიების გაუჩინარებული დედოფალი, მეგ რაიანი, მრავალწლიანი პაუზის შემდეგ, წითელ ხალიჩაზე კვლავ გამოჩნდა.

ფოტო: Getty Images

55 წლის რაიანი გასულ კვირას ამერიკის კინო ინსტიტუტის ღონისძიებას დაესწრო, სადაც ლეგენდარულ მსახიობს, დაიან კიტონს საპატიო ჯილდო გადასცეს.

ცერემონიალს, მეგის გარდა, საპატიო სტუმრების რანგში, ჯეინ ფონდა, გოლდი ჰოუნი, კეტი ბეიტსი, ბეტ მიდლერი, მერილ სტრიპი, ემა სტოუნი, რიზ უიზერსპუნი, მეგ რაიანი, მორგან ფრიმანი და სხვა ცნობილი მსახიობები და რეჟისორები ესწრებოდნენ.

წითელი ხალიჩის გარდა რაიანი სულ მალე ეკრანზეც დაბრუნდება.

Picture Paris ასე ჰქვია სერიალს, რომელშიც ის მთავარ როლს შეასრულებს.

სიუჟტი 2011 წელს გადაღებულ მოკლემეტრაჟიან ფილმს ეფუძნება. ეპიცენტრში გარეუბანში მცხოვრები დედაა, რომელიც ქმართან ერთად პარიზში მოგზაურობას მას შემდეგ გადაწყვეტს, რაც მისი შვილები წამოიზრდებიან და დამოუკიდებელ ცხოვრებას დაიწყებენ.

მეგ რაიანს კარიერაში ხანგრძლივი პაუზა ჰქონდა, მას 10 წელზე მეტია ფილმებში მთავარი როლი არ შეუსრულებია, ხოლო ტელევიზიაში ეს 13 წლის შემდეგ პირველი წამყვანი როლი იქნება.