ლეგენდარულ ამერიკელ მახიობს დაიან კიტონს გუშინ ამერიკის კინოინსტიტუტმა, დოლბის თეატრში გამართულ წვეულებაზე, კინოხელოვნებაში შეტანილი წვლილისთვის საპატიო ჯილდო გადასცა.

საპატიო სტუმრების სიაში იყო კიტონის ყოფილი პარტნიორი და რეჟისორი ვუდი ალენი, რომელმაც საკუთარი სიტყვით გამოსვლის დროს თქვა, რომ დაიანი მისი შემოქმედების ერთ-ერთი მუზაა.

"ეს არის ქალი, რომელსაც ყველაფერი დიდებულად გამოსდის. მე და დაიანმა ძალიან გრძელი გზა გამოვიარეთ ერთად. ძალიან იშვიათია ასეთი კეთილი და ქარიზმატული მსახიობი მოძებნო დღეს. დაიან, შენ ჩემი მუზა იყავი და ხარ", - თქვა ვუდი ალენმა.

საპატიო სტუმრების რანგში ცერემონიალს ჯეინ ფონდა, გოლდი ჰოუნი, კეტი ბეიტსი, ბეტ მიდლერი, მერილ სტრიპი, ემა სტოუნი, რიზ უიზერსპუნი, მეგ რაიანი, მორგან ფრიმანი, და სხვა ცნობილი მსახიობები და რეჟისორებიც ესწრებოდნენ.

დაიან კიტონი კინოს ისტორიაში ერთ-ერთ გამორჩეულ და ნიჭიერ მსახიობად ითვლება. რომელმაც 50 წლიანი კარიერის განმავლობაში არაერთი საინტერესო პერსონაჟი შექმნა.