ბელორუსმა დაგმო პოლონეთის გადაწყვეტილება ორ ქვეყანას შორის სასაზღვრო გამშვები პუნქტის დახურვის შესახებ და განაცხადა, რომ ამან შეიძლება საზღვრის ორივე მხარეს კოლაფსი გამოიწვიოს.

რატომ არის მნიშვნელოვანი: ამ გადაწყვეტილებამ კიდევ უფრო გაამწვავა ორ ქვეყანას შორის არსებული დაძაბული ურთიერთობები.

  • პოლონეთის მთავრობა არ გამორიცხავს ბელარუსთან სასაზღვრო მიმოსვლის სრულ შეწყვეტას.
  • ოთხშაბათს ბელორუსის სასამართლომ პოლონური წარმოშობის ჟურნალისტს რვა წლით თავისუფლების აღკვეთა მიუსაჯა პოლიტიკურად მოტივირებულ სასამართლო პროცესზე.
  • ვარშავა კიევის ერთ-ერთი ყველაზე მტკიცე მხარდამჭერია მას შემდეგ, რაც რუსეთი უკრაინაში შეიჭრა.

დეტალები: პოლონეთმა ხუთშაბათს განაცხადა, რომ უსაფრთხოებიდან გამომდინარე ხურავს ბელარუსის მთავარ სასაზღვრო გადასასვლელს ბობროვნიკში.

  • ბელორუსის მთავრობამ გადაწყვეტილებას ირაციონალური და საშიში ნაბიჯი უწოდა.
  • გადაწყვეტილების ძალაში შესვლის შემდეგ, ორი ქვეყნის 400 კმ-იანი საზღვრის გასწვრივ ექვსი ძირითადი სახმელეთო გამშვები პუნქტიდან მხოლოდ ორი იქნება ღია.
  • სავარაუდოა, რომ დარჩენილ ორ საგუშაგოზე დატვირთვა კრიტიკულად გაიზრდება.
  • პოლონეთის პრემიერ-მინისტრმა, მატეუშ მორავიეცკიმ ბრიუსელში გამართულ პრესკონფერენციაზე განაცხადა, რომ პოლონეთმა შესაძლოა დახუროს დარჩენილი სასაზღვრო გადასასვლელებიც.