ინფორმაციას მთავრობის პრესსამსახური ავრცელებს.

რატომ არის მნიშვნელოვანი: თურქეთ-სირიის საზღვართან ორშაბათს დილით მომხდარ დამანგრეველ, 7,8-ბალიან მიწისძვრას, ბოლო მონაცემებით, 21 000-ზე მეტი ადამიანი ემსხვერპლა, მათ შორის, საქართველოს 3 მოქალაქე.

  • თურქეთისა და სირიის რამდენიმე ქალაქი თითქმის მთლიანად განადგურდა, ათასობით ადამიანი კი დაშავდა.
  • მოსალოდნელია, რომ ეს რიცხვი გაიზრდება, რადგან ნანგრევების გასუფთავება და სამაშველო სამუშოები ჯერ კიდევ გრძელდება.

დეტალები: ფინანსური დახმარება მთავრობის სარეზერვო ფონდიდან გამოიყო.

  • "გამოყოფილი თანხა თურქეთის რესპუბლიკაში მომხდარი სტიქიური უბედურების შედეგად დაზარალებული მოქალაქეებისთვის მედიკამენტების, საკვების, ტანსაცმლის, სამედიცინო აღჭურვილობის და სხვა საჭიროებების შესყიდვას და თურქეთის რესპუბლიკაში ტრანსპორტირებას მოხმარდება", — ნათქვამია განცხადებაში.