წლევანდელი წლის ერთ-ერთი მთავარი სატელევიზიო მოვლენა დიდი პატარა ტყუილები, შესაძლოა, მეორე სეზონით აღარ დაბრუნდეს.

ამის შესახებ მსახიობმა ნიკოლ კიდმანმა ერთ-ერთ ინტერვიუში ისაუბრა:

"რიზი [უიზერსპუნი], მე და ლორა დერნი ძალიან დიდ დროს ვატარებთ ერთად, ხანდახან ღამეებსაც კი ვათენებთ ერთმანეთთან საუბარში. ჩვენ მზად ვართ დიდი პატარა ტყუილები ეკრანზე დაბრუნდეს, მაგრამ ამის არანაირი გეგმა ჯერ-ჯერობით არ არსებობს. პირველი სეზონი წიგნის ეკრანიზაცია იყო, ვიცოდით რომ ისტორიაც აქ სრულდებოდა. ახლა, როცა საუბარია მეორე სეზონზე, ვერც ერთი ჩვენგანი ვერ ხვდება თუ როგორ შეიძლება ამ არაჩვეულებრივი ქალების ისტორია გაგრძელდეს. ჩვენ მართლა მოხარულები ვიქნებით თუ გაგრძელება იქნება, მაგრამ არამგონია ეს მოხდეს", - ამბობს კიდმანი.

Big Little Lies ლიან მორიარტის წიგნის მიხედვით რეჟისორმა ჟან-მარკ ვალეიმ გადაიღო.