ამის შესახებ გერმანიის საგარეო საქმეთა მინისტრმა ფრანგულ მაუწყებელთან, LCI-თან ინტერვიუს დროს განაცხადა.

რატომ არის მნიშვნელოვანი: გერმანიაში, რამშტეინის ბაზაზე უკრაინის მოკავშირეები ვერ შეთანხმდნენ კიევისთვის Leopard 2-ის ტანკების მიწოდებაზე.

  • წყაროების მიხედვით, მთავარ დაბრკოლებად გერმანიის კანცლერის პოზიცია იქცა, რომელიც სიფრთხილეს იჩენს.
  • პოლონეთმა და ფინეთმა განაცხადეს, რომ მზად არიან თავიანთი ლეოპარდები უკრაინას მისცენ, მაგრამ ამისათვის საჭიროა გერმანიის, როგორც მწარმოებელი ქვეყნის თანხმობა.

დეტალები: ანალენა ბერბოკმა განაცხადა, რომ მისი ქვეყნის მთავრობა არ ჩაერევა პოლონეთიდან უკრაინისთვის გერმანული Leopard-2 ტანკების მიწოდებაში.

  • კითხვაზე, თუ რა იქნება გერმანიის პასუხი, თუ პოლონეთი ტანკების მიწოდებას გერმანიის თანხმობის გარეშე განახორციელებს, ბერბოკმა უპასუხა:
  • "ჯერ ეს კითხვა არ დასმულა, მაგრამ ჩვენ რომ დავსვათ, ჩვენ არ ჩავერევით", — განაცხადა მან. [Reuters-ის თარგმანი]