ნიკა მელიას კანდიდატურას უჭერენ მხარს ნაციონალური მოძრაობის ფრაქციის წევრები კასპში, რის შესახებაც დღეს გამართულ ბრიფინგზე განაცხადეს.

რატომ არის მნიშვნელოვანი: ერთიანი ნაციონალური მოძრაობის წევრთა ნაწილმა 9 ნოემბერს შიდაპარტიული არჩევნები, მათ შორის, ახალი თავმჯდომარის არჩევა მითხოვა.

  • თავმჯდომარეობის კანდიდატები არიან ნიკა მელია, ნონა მამულაშვილი, ლევან ხაბეიშვილი და გიორგი მუმლაძე.
  • არჩევნები 28-29 იანვარს ბლოკჩეინის სისტემით ჩატარდება.

დეტალები: ზუგდიდში ენმ-ის ფრაქციის წევრებმა 21 იანვარს გამართულ ბრიფინგზე განაცხადეს, რომ მხარს ნიკა მელიას უჭერენ.

  • "გვაქვს ვალდებულება, მივიღოთ გადაწყვეტილება და კონკრეტულ კანდიდატს დავუჭიროთ მხარი. მხარს ვუჭერთ ნიკა მელიას კანდიდატურას, რამეთუ მიგვაჩნია, მოცემულ სიტუაციაში ის არის ყველაზე გამორჩეული და ღირსეული კანდიდატი", — აცხადებენ ისინი.
  • მოგვიანებით ბრიფინგს გამოეხმაურა პოლიტსაბჭოს წევრი ლევან კონჯარია და აღნიშნა, რომ ის რაც ბრიფინგზე ითქვა, ხალხის შეცდომაში შეყვანაა, ხოლო ენმ არის მრავალფეროვანი პარტია და არსებობენ ადამიანები, რომლებიც მხარს სხვა კანდიდატს უჭერენ.
  • ხოლო ენმ-ის თავმჯდომარეობის კანდიდატი ლევან ხაბეიშვილი ამბობს, რომ ნიკა მელია რეგიონებში საკრებულოს წევრებს სთხოვს, მისი მხარდამჭერი ბრიფინგები ჩაატარონ.

ასევე, ენმ-ის ბათუმის ორგანიზაციაში მელიას მხარდამჭერი შტაბი შეიქმნა.

  • ნიკა მელიას მხარდამჭერი შტაბის ხელმძღვანელი ბათუმში მირდატ ქამადაძე იქნება.
  • "მიმაჩნია, რომ ენმ იქნება და უნდა იყოს მთავარი ძალა, რომელიც შეძლებს ავტოკრატიული რეჟიმის ჩამოშლას და ამ ქვეყანაში პოლიტიკური მართლმსაჯულების დასრულებას. [...] წარმოდგენილ კანდიდატებში ნიკა მელია ყველაზე მეტად ასხივებს იმას, რომ მას შეუძლია დიდი ოპოზიციური ერთობის ორგანიზება", — განაცხადა გიორგი კირთაძემ.