ზუგდიდში ენმ-ის ფრაქციის წევრები არჩევნებში მხარს მელიას უჭერენ
![](http://rachel.on.ge/2023/01/21/07_63cbc25c4aee3.jpg)
ფოტო: კადრი ვიდეოდან / ფორმულა
ამის შესახებ ფრაქციის წარმომადგენლებმა 21 იანვარს გამართულ ბრიფინგზე განაცხადეს.
რატომ არის მნიშვნელოვანი: ერთიანი ნაციონალური მოძრაობის წევრთა ნაწილმა 9 ნოემბერს შიდაპარტიული არჩევნები, მათ შორის, ახალი თავმჯდომარის არჩევა მითხოვა.
- თავმჯდომარეობის კანდიდატები არიან ნიკა მელია, ნონა მამულაშვილი, ლევან ხაბეიშვილი და გიორგი მუმლაძე.
- არჩევნები 28-29 იანვარს ბლოკჩეინის სისტემით ჩატარდება.
დეტალები: ბრიფინგზე განაცხადეს, რომ როდესაც პარტიის მთელი არსი და ვექტორი გადართული უნდა იყოს გადართული იმისათვის, რომ იყოს ბრძოლა მიხეილ სააკაშვილის და ნიკა გვარამიას გათავისუფლებისთვის, სხვა რეალობა დაუდგათ.
- "როდესაც გვაქვს ვალდებულება პოლიტპატიმრებზე ვიფიქროთ და ქვეყანაში ასეთი მანკიერება, ჩვენ სამწუხაროდ, სხვა რეალობა დაგვიდგა, რომელსაც ნამდვილად არ მივესალმებით";
- "გვაქვს ვალდებულება, მივიღოთ გადაწყვეტილება და კონკრეტულ კანდიდატს დავუჭიროთ მხარი. მხარს ვუჭერთ ნიკა მელიას კანდიდატურას, რამეთუ მიგვაჩნია, მოცემულ სიტუაციაში ის არის ყველაზე გამორჩეული და ღირსეული კანდიდატი", — აცხადებენ ისინი.
მოგვიანებით ბრიფინგს გამოეხმაურა პოლიტსაბჭოს წევრი ლევან კონჯარია და აღნიშნა, რომ ის რაც ბრიფინგზე ითქვა, ხალხის შეცდომაში შეყვანაა.
- "ორგანიზაცია არის მრავალფეროვანი რითაც მე ვამაყობ. ბევრი უჭერს მხარს ლევან ხაბეიშვილის კანდიდატურას, მათ შორის ჩვენც. ასევე არიან პარტიაში ხალხი, რომლებიც მხარს უჭერენ სხვა კანდიდატებს. მინდა წარმატება ვუსურვო ყველა კანდიდატს", — თქვა მან
ენმ-ის თავმჯდომარეობის კანდიდატი ლევან ხაბეიშვილი ამბობს, რომ ნიკა მელია რეგიონებში საკრებულოს წევრებს სთხოვს, მისი მხარდამჭერი ბრიფინგები ჩაატარონ.
- "პარტიის, ჯერ კიდევ მოქმედი თავმჯდომარე, ურეკავს რეგიონებში საკრებულოს წევრებს და სთხოვს, რომ მისი მხარდამჭერი ბრიფინგები ჩაატარონ", — თქვა მან.
აქამდე ენმ-ის ბათუმის ორგანიზაციაში მელიას მხარდამჭერი შტაბი შეიქმნა.
- "მიმაჩნია, რომ ენმ იქნება და უნდა იყოს მთავარი ძალა, რომელიც შეძლებს ავტოკრატიული რეჟიმის ჩამოშლას და ამ ქვეყანაში პოლიტიკური მართლმსაჯულების დასრულებას. [...] წარმოდგენილ კანდიდატებში ნიკა მელია ყველაზე მეტად ასხივებს იმას, რომ მას შეუძლია დიდი ოპოზიციური ერთობის ორგანიზება", — განაცხადა კირთაძემ.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები