CIA-ს დირექტორი, უილიამ ბარნსი კიევს გასულ კვირას ეწვია.

რატომ არის მნიშვნელოვანი: ცენტრალური სადაზვერვო სააგენტოს დირექტორმა კიდევ ერთხელ აღუთქვა უკრაინას უპირობო მხარდაჭერა ოკუპანტის წინააღმდეგ ბრძოლაში.

  • საიდუმლო შეხვედრაზე მხარეებმა მოსკოვის სამხედრო სტრატეგიები და გეგმები განიხილეს.
  • ბარნსი აშშ-ის ყოფილი ელჩია მოსკოვში და რუსეთ-უკრაინის ომის მიმდინარეობის პერიოდში, არაერთხელ დახმარებია უკრაინას სტრატეგიული გადაწყვეტილების მიღებაში.

დეტალები: ბარნსი უკრაინაში ვოლოდიმირ ზელენსკისთან შესახვედრად ჩავიდა.

  • ასევე, იგი შეხვდა უკრაინის დაზვერვის წარმომადგენლებს.
  • The Washington Post-ის ინფორმაციით, შეხვედრაზე დაზვერვის წარმომადგენლებმა და პრეზიდენტმა ზელენსკიმ ყურადღება გაამახვილეს იმაზე, თუ რამდენ ხანს გასტანს აშშ-ის და ევროპის სამხედრო მხარდაჭერა და ხომ არ იმოქმედებს ამაზე წარმომადგენელთა პალატაში რესპუბლიკელების გამარჯვება.
  • ვაშინგტონი აპირებს უკრაინას კიდევ $2,5 მილიარდის დახმარება გაუგზავნოს, მათ შორის Stryker-ის ჯავშანტექნიკა.