ეს განცხადება ჰოსეინ ამირ აბდოლაჰიანმა TRT World-ის ეთერში გააკეთა.

რატომ არის მნიშვნელოვანი: რუსეთს უკრაინის წინააღმდეგ ბრძოლაში არც თუ ისე ბევრი მოკავშირე ჰყავს, მათ შორის, ყველაზე აქტიურად — ირანის და ბელარუსის როლი განიხილება.

  • რუსეთმა უკრაინის მშვიდობიან მოსახლეობასა და სამოქალაქო ინფრასტრუქტურაზე თავდასხმისთვის ირანული წარმოების ასობით დრონი გამოიყენა.
  • აქამდე ირანი ამ ბრალდებებს უარყოფდა, თუმცა 5 ნოემბერს პირველად აღიარა, რომ რუსეთს "მცირე რაოდენობით" დრონები მიაწოდეს, თუმცა ომის დაწყებამდე.
  • ირანი უარყოფს, რომ რომ თეირანი მოსკოვისთვის უპილოტო საფრენი აპარატის მიწოდებას განაგრძობს.

დეტალები: აბდოლაჰიანმა განაცხადა, რომ საერთაშორისო კანონმდებლობის ფარგლებში ქვეყნების სუვერენიტეტს და ტერიტორიულ მთლიანობას ირანი პატივს სცემს.

  • "თეირანსა და მოსკოვს შორის შესანიშნავი ურთიერთობების მიუხედავად, ჩვენ არ ვაღიარებთ ყირიმის, ლუგანსკის და დონეცკის რეგიონების გამოყოფას უკრაინისგან", — დასძინა მან.