ამის შესახებ ქვეყნის პრემიერმინისტრმა, ნიკოლ ფაშინიანმა განაცხადა.

რატომ არის მნიშვნელოვანი: ამ სამხედრო ბლოკის წევრები რუსეთი, ბელარუსი, ყირგიზეთი, სომხეთი, ტაჯიკეთი და ყაზახეთი არიან.

  • ბოლო პერიოდში საბჭოს სომხეთი ხელმძღვანელობდა, თუმცა ამას ქვეყნისთვის რაიმე სასურველი შედეგი არ მოუტანია — სომხეთმა არაერთხელ დაადანაშაულა ბლოკი უმოქმედობასა და აზერბაიჯანის აგრესიისგან მათ არდაცვაში.

დეტალები: სომხეთის ტერიტორიაზე კოლექტიური უსაფრთხოების ხელშეკრულების ორგანიზაციის (ОДКБ ან CSTO) სამშვიდობო დანაყოფების ერთობლივი წვრთნები ურღვევი ძმობა-2023 უნდა გამართულიყო.

  • ფაშინიანის თქმით, სომხეთის თავდაცვის მინისტრმა უკვე მიაწოდა ინფორმაცია კოლექტიური უსაფრთხოების ხელშეკრულების ორგანიზაციის გაერთიანებულ შტაბს, რომ შექმნილ ვითარებაში წვრთნების ჩატარებას არამიზანშეწონილად მიიჩნევს.
  • ფაშინიანი აცხადებს, რომ შექმნილ ვითარებაში სომხეთმა წვრთნების ჩატარება მიზანშეწონილად არ ჩათვალა.

კონტექსტი: ფაშინიანმა 2022 წლის 24 ნოემბერს კოლექტიური უსაფრთხოების სამიტის სხდომაზე დოკუმენტს ხელი არ მოაწერა.

  • მაშინ სამიტმა პროტესტის ფონზე ჩაიარა. მოქალაქეები და პროდასავლური ოპოზიცია ქვეყანაში ვლადიმერ პუტინის ვიზიტს აპროტესტებდა.