უწყება განცხადებას სოციალურ ქსელში ავრცელებს.

რატომ არის მნიშვნელოვანი: უკრაინის ელჩმა საქართველოში, ანდრეი კასიანოვმა სტატია გამოაქვეყნა.

  • ის სტატიაში მიმოიხილავს უკრაინისა და საქართველოს ურთიერთობას, რომელიც, მისივე თქმით, ამჟამად საკმაოდ რთულ პერიოდს გადის და ორ ქვეყანას შორის არსებულ პრობლემურ სფეროებს გამოყოფს.
  • ელჩის განცხადებით, კიევი საქართველოსგან ითხოვდა ე.წ. ბუკის კომპლექსებს, რომლებიც უკრაინამ საქართველოს 2008 წლის აგვისტოს ომის დროს თავად გადასცა.
  • უკრაინის თხოვნაში, ასევე, შედიოდა აშშ-ს მიერ საქართველოსთვის გადმოცემული ჯაველინის ტანკსაწინააღმდეგო კომპლექსები. ამ უკანასკნელთან დაკავშირებით, იყო არა მხოლოდ შეთანხმება აშშ-დან, არამედ წინადადებაც კი, რომ ისინი ახალი კომპლექსებით ჩაენაცვლებინათ.
  • გარდა ამისა, ქართული ოცნების მხრიდან არა ერთხელ იყო საუბარი იმის შესახებ, რომ უკრაინა საქართველოში "მეორე ფრონტის" გახსნას ცდილობდა.

დეტალები: თავდაცვის სამინისტროს განმარტებით, გავრცელებულ ინფორმაცია, თითქოს უკრაინამ ბუკის საჰაერო თავდაცვის სისტემები უსასყიდლოდ გადასცა საქართველოს, სიმართლეს არ შეესაბამება.

  • მათივე თქმით, მრავალმილიონიანი შესყიდვით ბუკის სისტემა თავდაცვამ 2007 წელს მიიღო.
  • როგორც უწყებაში განმარტავენ, პროცესი საიდუმლო ხელშეკრულებით განხორციელდა, რის გამოც მეტი დეტალის დაკონკრეტების უფლება არ აქვთ.
  • ჯაველინების შესახებ უწყებაში განმარტავენ, რომ ათობით მილიონი დოლარი გადაიხადეს 2017 წელს, აშშ-სგან ანტისატანკო სისტემების შესყიდვისთვის.
  • ისინი კიდევ ერთხელ ხაზს უსვამენ ჰუმანიტარული ტვირთის რაოდენობას და აღნიშნავენ, რომ უკრაინაში გაგზავნილი გენერატორები პრემიერმინისტრის ინიციატივა იყო.
  • რაც შეეხება უკრაინისათვის იარაღით ან ორმაგი დანიშნულების საშუალებების გადაცემას, უწყებაში ამბობენ, რომ აღნიშნულ საკითხთან დაკავშირებით საქართველოს მთავრობამ არაერთხელ გააჟღერა მკაფიო პოზიცია.
  • მკაფიო პოზიციაში უწყება ნებისმიერი სახის სამხედრო დახმარებაზე უარს გულისხმობს.