ინფორმაციას უკრაინის სახელმწიფო სასაზღვრო სამსახური ავრცელებს.

რატომ არის მნიშვნელოვანი: ბახმუტში მძიმე ბრძოლები მიმდინარეობს და ამ ეტაპზე ფრონტის ყველაზე ცხელი წერტილი სწორედ იქ არის.

  • რუსეთმა ქალაქი დაბომბა 6 იანვარს, მათივე გამოცხადებული ე.წ. საშობაო ზავის დროსაც; შედეგად 2 მშვიდობიანი მოქალაქე დაიღუპა, 13 კი დაიჭრა.
  • პრეზიდენტ ზელენსკისა და უკრაინის სხვა ოფიციალური პირების განცხადებით, ოკუპანტებმა ქალაქი, ფაქტობრივად, გაანადგურეს.
  • ბახმუტში დაიღუპა არაერთი ქართველი მებრძოლიც.

დეტალები: სასაზღვრო სამსახურის ცნობით, ოკუპანტებმა თავიანთ დანაყოფზე კონტროლი მას შემდეგ დაკარგეს, რაც უკრაინელმა მესაზღვრეებმა რუსი მეთაური მოკლეს.

  • "ოკუპანტები ჩვენი დამცველების სიმაგრეზე აპირებდნენ შეტევას, მაგრამ სახელმწიფო სასაზღვრო სამსახურის სნაიპერებმა ამის საშუალება არ მისცეს.
  • სამხედროებმა მეთაური და ტყვიამფრქვევი კარგად გამიზნული გასროლით გაანადგურეს. ოკუპანტებმა დაკარგეს კონტროლი დანაყოფზე, შეშინდნენ და გაიქცნენ", — ნათქვამია სამსახურის განცხადებაში.