ხუთშაბათს, აშშ-ის პრეზიდენტმა ხელი მოაწერა 2023 წლის სამთავრობო დაფინანსების კანონპროექტს, რომლის ღირებულება $1,66 ტრილიონია.

რატომ არის მნიშვნელოვანი: ქვეყნის 2023 წლის ბიუჯეტიდან $132 მილიონ დახმარებას საქართველო მიიღებს.

  • ასევე, კანონპროექტი უკრაინისა და ნატოს მოკავშირეების დასახმარებლად $45 მილიარდს გამოყოფს.

დეტალები: ბაიდენმა ხელი მოაწერა ბიუჯეტის კანონპროექტს, რომელიც კონგრესმა გასულ კვირას მიიღო.

  • 4000-ზე მეტ გვერდიანი კანონპროექტი სენატმა ორპარტიული ხმით, 68-29 წინააღმდეგ მიიღო, სენატის 50 რესპუბლიკელიდან 18-ის მხარდაჭერით.
  • წარმომადგენელთა პალატაში კანონპროექტი 225-201 წინააღმდეგ ხმით გავიდა.
  • კანონმდებლობა მოიცავს რეკორდულ სამხედრო დაფინანსებას, უკრაინისთვის გადაუდებელ დახმარებას, დახმარებას შეზღუდული შესაძლებლობის მქონე სტუდენტებისთვის.
  • ასევე, დამატებით დაფინანსებას მუშათა უფლებების დასაცავად და სამუშაო ტრენინგის რესურსებს, უფრო ხელმისაწვდომ საცხოვრისებს ოჯახებისთვის, ვეტერანებისთვის და ოჯახურ ძალადობას გაქცეული პირებისთვის.