კვირას, რომში, კორპუსის ბინის მცხოვრებთა შეხვედრაზე, კაცმა იარაღი აიღო და ცეცხლი გახსნა.

რატომ არის მნიშვნელოვანი: შემთხვევას სამი ქალი ემსხვერპლა, ოთხი ადამიანი დაჭრილია, მათ შორის, ერთი — მძიმედ.

  • ერთ-ერთ დაღუპული იტალიის პრემიერმინისტრის, ჯორჯია მელონის მეგობარია.
  • ბრალდებული შემთხვევის ადგილზე დააკავეს.

დეტალები: შემთხვევა რომში, ფიდენეს რაიონში მოხდა.

  • ბრალდებული კაცი, 57 წლის კლაუდიო კამპი ადგილობრივი მაცხოვრებელი იყო.
  • "ის ოთახში შევიდა, კარი დახურა და დაიყვირა — "მოგიკლავთ ყველას", შემდეგ კი სროლა დაიწყო", — აცხადებს შემთხვევის მოწმე.
  • როგორც ცნობილია, ბრალდებული მაცხოვრებელთა ასოციაციასთან მუდმივ კამათში იყო.
  • გარდაცვლილ სამ ქალს შორის იყო 50 წლის ნიკოლეტა გოლიზანო, 10 წლის ბიჭის დედა, რომელიც შეხვედრას ესწრებოდა როგორც ბუღალტერი.

ჯორჯია მელონიმ კვირა საღამოს დაწერა, რომ გარდაცვლილი ნიკოლეტა გოლიზანი მისი მეგობარი იყო.

  • "ნიკოლეტა იყო მზრუნველი დედა, გულწრფელი და გონიერი მეგობარი, ამავე დროს ძლიერი ქალი", — დაწერა იტალიის პრემიერმინისტრმა თავის ფეისბუქ გვერდზე.
  • იტალიის ლიდერი იმედოვნებს რომ სამართალი სწრაფად აღსრულდება.
  • "მაგრამ სიტყვა სამართლიანობა არასოდეს მოერგება ამ საქმეს. იმიტომ, რომ ეს არ არის სწორი სიკვდილი", — დასძინა პრემიერმა.