საქსტატის მონაცემებით, პირდაპირი უცხოური ინვესტიციები 2022 წლის მესამე კვარტალში გასული წლის ანალოგიურ პერიოდთან შედარებით 2-ჯერ გაიზარდა და $745 მილიონს მიაღწია, მათ შორის უძრავი ქონების მიმართულებით 28,5-ჯერ $265 მილიონამდე გაიზარდა.

რატომ არის მნიშვნელოვანი: პირდაპირი უცხოური ინვესტიციები მშპ-ის შემადგენელი ერთ-ერთი კომპონენტია.

  • ინვესტიციების ზრდისას იზრდება ეკონომიკა;
  • იზრდება დასაქმებულთა რაოდენობა;
  • ზოგ შემთხვევაში იზრდება დასაქმებულთა კვალიფიკაციის დონე.

მესამე კვარტალში ყველაზე მეტი — $166 მილიონის ინვესტიცია ესპანეთიდან შემოვიდა. გარდა ამისა:

  • ბრიტანეთიდან — $123 მილიონი;
  • ირლანდიიდან — $120 მილიონი;
  • შეერთებული შტატებიდან — $65 მილიონი;
  • ნიდერლანდებიდან — $48 მილიონი;
  • რუსეთიდან — $42 მილიონი.

უძრავ ქონებასთან დაკავშირებული საქმიანობები, გასული წლის ანალოგიურ პერიოდთან შედარებით 2 750%-ით არის გაზრდილი და $265 მილიონს აჭარბებს.

  • უძრავი ქონებით დაინტერესებამ მათი გასაქირავებელი და გასაყიდი ფასი მნიშვნელოვნად გაზარდა.
  • სავარაუდოა, რომ უძრავ ქონებაზე ფასის ზრდა სხვა მიზეზებთან ერთად საქართველოში რუსეთის მოქალაქეების შემოსვლამაც გამოიწვია — ომის დაწყებისა და მობილიზაციის გამოცხადების შემდეგ რუსების შემოდინებისას გაიზარდა გასაქირავებელი ბინების ფასი, რადგან ისინი მეტს იხდიდინენ.

სხვა სფეროებიდან საფინანსო სექტორში $159 მილიონის ინვესტიცია ჩაიდო.

  • ხელოვნება, გართობასა და დასვენებაში — $143 მილიონი;
  • დამამუშავებელ მრეწველობაში — $38 მილიონი;
  • ტრანსპორტსა და დასაწყობებაში — $35 მილიონი;
  • ინფორმაციასა და კომუნიკაციაში — $24 მილიონი.

მთლიანად, პირველ სამ კვარტალში შემოსული ინვესტიციების ჯამური მოცულობა, წინასწარი მონაცემებით, $1 676 მილიარდს შეადგენს.

  • რაც გასული წლის ანალოგიური მაჩვენებლის დაზუსტებულ მონაცემებს 102%-ით აჭარბებს.