თუ Fidget Spinner უსარგებლო ნივთი გგონიათ, მაშინ გადმოწერეთ აპლიკაცია, რომელშიც ვირტუალურ სპინერს დაატრიალებთ და ნახავთ, რომ ბევრად უფრო უსარგებლო რაღაცაც არსებობს.

აპში შესვლისას რამდენიმე სახის სპინერი დაგხვდებათ, რომლებიც თითის ეკრანზე გასმით შეგიძლიათ დაატრიალოთ. ყოველი მეხუთე დატრიალებისას მიიღებთ მონეტებს, რომლებსაც ვერაფერში გამოიყენებთ, მერე რეკლამა ამოგიხტებათ - იმის გათიშვა მოგიწევთ და ასე გაერთობით.

აპლიკაცია უკვე 7 მილიონზე მეტმა ადამიანმა გადმოწერა, რაც ისეთივე შედეგი არ არის, როგორც Pokemon Go-ს ჰქონდა - ერთ კვირაში 10 მილიონი, მაგრამ მაინც შთამბეჭდავია. თუმცა ეს კონკრეტულად ერთი, Ketchapp-ის მიერ შექმნილი აპის სტატისტიკაა, აპ სტორში ამჟამად სამასზე მეტი სპინერ აპლიკაციაა და ყველას თავისი მომხმარებელი ჰყავს.