ახლახან Netflix-მა პოპულარული სერიალის, Emily in Paris-ის, მე-3 სეზონის ახალი, სრული ტრეილერი გაავრცელა. ამის დამსახურებით, სერიალის ფანებს კიდევ უფრო ნათელი წარმოდგენა შეექმნათ, თუ რას უნდა ელოდონ მომხიბვლელი, თავგადასავლების მოყვარული გმირებისგან. როგორც ჩანს, პარიზი, მოდა და სასიყვარულო სამკუთხედი ისევ ემილის ცხოვრების ნაწილია.

ტრეილერი გვიჩვენებს, რომ ამ ეტაპზე გაცილებით უფრო რთული არჩევანის გაკეთება უწევს ემილის პროფესიულ თუ პირად ცხოვრებაში. სეზონის მთავარი თემა ერთ პატარა კითხვაში ჩანს, რომელსაც ემილი ფრანგული ენის კლასში წინადადების თარგმნის დროს კითხულობს: "არ არჩევაც არჩევაა?"

სერიალის მე-3 სეზონი 10 ეპიზოდისგან შედგება და მათი ნახვა მაყურებელს 21 დეკემბრიდან ნეტფლიქსზე შეეძლება. ასევე, ცნობილია, რომ ამ სეზონს გაგრძელებაც ექნება და ნეტფლიქსი სერიალის ფანებს მეოთხე სეზონსაც შესთავაზებს.

Emily in Paris-ის პირველი სეზონის გამოსვლიდან 28 დღეში სერიალს 58-მა მილიონმა მომხმარებელმა უყურა. პრემიერის კვირასვე მან ყველაზე ყურებადი სერიალების ათეულში უკან ჩამოიტოვა ისეთი წარმატებული პროექტებიც კი, როგორიც გრეის ანატომია და კრიმინალური აზროვნებაა. ასევე, აღსანიშნავია, რომ ემის დაჯილდოებაზე ემილი პარიზში ორ ნომინაციაში იყო წარდგენილი. ამ ყველაფერმა კი ცხადია, დიდი მოლოდინი და გაზრდილი ინტერესი მოიტანა სერიალის მე-3 სეზონის მიმართ.