საფრანგეთისა და მოდური ცხოვრების მოყვარულებისთის Netflix-ს სასიამოვნო სიურპრიზი აქვს — სერიალის Emily in Paris მე-3 და მე-4 სეზონები უკვე დამტკიცდა და ცნობილია, რომ მე-3 სეზონი 2022 წლის 21 დეკემბერს გამოვა.

პარიზი და მოდა — ორი განუყოფელი ცნება, რომელიც მუდამ ხელჩაკიდებული დადიოდა, ამერიკელ ემილის უკვე თავისიანად იღებს, თუმცა ეს არ ნიშნავს, რომ მას აღარ მოუწევს რთული გადაწყვეტილებების მიღება ანდა გამოწვევებთან შეხვედრა.

ფოტო: Netflix

ამისდა მიუხედავად, Netflix-ის მიერ გავრცელებული თიზერი გვპირდება, რომ ახალგაზრდა ქალის ცხოვრება კვლავ სავსეა სახალისო თავგადასავლებით, რომელიც უამრავ საინტერესო ადგილას გვამოგზაურებს და სასიყვარულო ფათერაკების მოწმედ გვაქცევს.

Emily in Paris-ის პირველი სეზონის გამოსვლიდან 28 დღეში სერიალს 58-მა მილიონმა მომხმარებელმა უყურა. პრემიერის კვირასვე მან ყველაზე ყურებადი სერიალების ათეულში უკან ჩამოიტოვა ისეთი წარმატებული პროექტებიც კი, როგორიც გრეის ანატომია და კრიმინალური აზროვნებაა. ასევე, აღსანიშნავია, რომ ემის დაჯილდოებაზე ემილი პარიზში ორ ნომინაციაში იყო წარდგენილი. ამ ყველაფერმა კი ცხადია, დიდი მოლოდინი და გაზრდილი ინტერესი მოიტანა სერიალის მე-3 სეზონის მიმართ.