საერთაშორისო გამჭვირვალობა-საქართველო საქართველოს ყოფილი მთავარი პროკურორის, ოთარ ფარცხალაძის ქონებისა და ბიზნესის შესახებ ინფორმაციას აქვეყნებს.

რა ქონებას ფლობდა ოთარ ფარცხალაძე მთავარი პროკურატურის დატოვების მომენტისთვის?

თანამდებობის დატოვების მომენტისთვის ოთარ ფარცხალაძეს თბილისში 150 მ2 ბინა ჰქონდა, მის ცოლს კი, საცხოვრებელი სახლი 76 მ2. ფარცხალაძის სახელზე იყო გაფორმებული 1994 წელს გამოშვებული ავტომობილი. მის საბანკო ანგარიშებზე კი 30 ათასი ლარი ირიცხებოდა. ამავე პერიოდში ყოფილ მთავარ პროკურორს 100 ათასი ამერიკული დოლარის ოდენობის იპოთეკური სესხი და 20 ათასი დოლარის კრედიტი.

ფოტო: საერთაშორისო გამჭვირვალობა - საქართველო

რა ქონებას ფლობს ყოფილი პროკურორი ახლა?

საერთაშორისო გამჭვირვალობა საქართველოს მიერ გამოქვეყნებული მონაცემებით, ყოფილი მთავარი პროკურორის ქონება დღევანდელი მდგომარეობით რამდენჯერმეა გაზრდილი. მის სახელზეა რეგისტრირებული თბილისში სამი ბინა, რომელთა ფართიც 220 მ2-ია, ყიფშიძეზე ორი კომერციული ფართი, ჯამში, 305 მ2, ორი კომერციული ფართი ფალიაშვილზე, ჯამში, 479 მ2, მშენებარე ბინა თბილისში (77,5 მ2) და დაბა ბაკურიანში ორი ბინა, ჯამში, 51 მ2.

გაზრდილია ფარცხალაძის ცოლის ქონებაც. ფარცხალაძის სახელზეა რეგისტრირებული თბილისში სამი ბინა, ჯამში, 251,9 მ2, ორი ავტოსადგომი, ჯამში, 31,2 მ2 და ბინა ბათუმში (44,12 მ2).

ფარცხალაძის ბიზნეს-საქმიაანობა და შემოსავლები

2016 წლის ივნისში, 155 ათას ამერიკულ დოლარად გაყიდა 2015 წლის სექტემბერში, 50 ლარად ნაყიდი კომპანია როიალ დეველოპმენტის 40 პროცენტი;

2016 წელს 65 ათას ლარად გაყიდეს ფარცხალაძემ და მისმა ცოლმა შპს მიტერას 100-პროცენტიანი წილი, რომელიც 2014-2016 წლებში 2 500 ლარად იყიდეს;

2016 წლის ივნისში ოთარ ფარცხალაძემ შპს ბი ეს არ სი დი ჯი დეველოპმენტის 100 პროცენტიანი წილი 235 ათას ამერიკულ დოლარად.