ამის შესახებ უკრაინული სახელმწიფო კომპანია ენერგოატომის პრეზიდენტმა, პეტრო კოტინიმ განცხადა.

რატომ არის მნიშვნელოვანი: ევროპაში ყველაზე დიდი ატომურ ელექტროსადგურს მარტის დასაწყისიდან ოკუპანტები აკონტროლებენ.

  • ობიექტი არაერთხელ დაიბომბა, რაც ბირთვული კატასტროფის საფრთხეს კიდევ უფრო ზრდის.
  • უკრაინის პრეზიდენტი ვოლოდიმირ ზელენსკი რუსეთს "ბირთვულ შანტაჟში" ადანაშაულებს ელექტროსადგურში დაძაბულობის გამო.

დეტალები: ენერგოატომის პრეზიდენტის თქმით, ბოლო კვირებში იღებენ ფაქტობრივ ინფორმაციას — "გაჩნდა ნიშნები, რომ რუსული ძალები, შესაძლოა, ემზადებიან ზაპოროჟიეს ატომური ელექტროსადგურის დასატოვებლად".

  • "უპირველეს ყოვლისა, რუსულ პრესაში ჩნდება ძალიან ბევრი პუბლიკაცია იმის შესახებ, რომ შესაძლოა, სჯობს ზაპოროჟიეს ატომური ელექტროსადგურის დატოვება, მისი ატომური ენერგიის საერთაშორისო სააგენტოს კონტროლის ქვეშ გადაცემა";
  • "იქმნება შთაბეჭდილება, რომ ისინი ბარგს ალაგებენ და რომ იპარავენ ყველაფერს, რისი პოვნაც შეუძლიათ", — ამბობს კოტინი.
  • მისი განცხადებით, რუსეთის ძალებს სავარაუდოდ დანაღმული აქვთ სადგურის ტერიტორია.