ევროპარლამენტმა საქართველოსა და უკრაინის ოკუპირებულ რეგიონებში რუსეთის გაცემული პასპორტების არაღიარებას მხარი დაუჭირა

გადაწყვეტილება ევროპარლამენტმა 531 ხმით დაამტკიცა. 7 დეპუტატი წინააღმდეგო იყო, ხოლო 34 ევროპარლამენტარმა კენჭისყრაში მონაწილეობისგან თავი შეიკავა.

რატომ არის მნიშვნელოვანი: ევროპარლამენტის წინადადების თანახმად, კომისიამ უნდა გაიაროს კონსულტაცია ევროკავშირის წევრ ქვეყნებთან და შეადგინოს რუსული სამგზავრო დოკუმენტების სია, კერძოდ, პასპორტები, რომლებიც არ იქნება აღიარებული.

ევროპარლამენტის განცხადებით, გადაწყვეტილება ასევე ოფიციალურად იქნება მიღებული საბჭოს მიერ და გამოქვეყნდება ევროკავშირის ოფიციალურ ჟურნალში — ძალაში შევა გამოქვეყნებიდან მეორე დღეს.

დეტალები: ევროპული კომისიის მიხედვით, ბლოკის თითქმის ყველა წევრმა უკვე განაცხადა, რომ არ აღიარებს რუსეთის მიერ უცხო ქვეყნის ოკუპირებულ ტერიტორიებზე გაცემულ პასპორტებს.

თუმცა, მოქალაქეები, რომლებიც უკრაინაში ომს გაურბიან, შეძლებენ ჰუმანიტარული მოტივით ევროკავშირში შესვლას.

გარდა ამისა, ევროპარლამენტარმა, ხუან ფერნანდო ლოპეზ აგილარმა კენჭისყრის შემდეგ თქვა, რომ ევროპარლამენტი მზად არის გააკეთოს ყველაფერი, რათა გააგრძელოს ზეწოლა რუსეთზე სამართლებრივი და პოლიტიკური საშუალებებით;