ამის შესახებ დედაქალაქის მერი Telegram-ზე წერს.

რატომ არის მნიშვნელოვანი: 23 ნოემბერს უკრაინის კრიტიკულ ინფრასტრუქტურაზე ოკუპანტებმა კიდევ ერთხელ მიიტანეს იერიში.

  • რუსეთის მასიურმა სარაკეტო თავდასხმამ ყველა ატომური ელექტროსადგურისა და ჰიდროელექტროსადგურის დროებით გათიშვა გამოიწვია — დაზიანდა ელექტროგადამცემი ობიექტები.
  • კიევის მიმართულებით 31 რაკეტა გაისროლეს, უკრაინამ კი 21 მათგანის ჩამოგდება შეძლო.
  • რამდენიმე ქალაქი ელექტროენერგიის გარეშე დარჩა, ხოლო დედაქალაქის მოსახლეობის 80% როგორც დენი, ასევე, წყალიც არ მიეწოდებოდა.

დეტალები: კლიჩკოს თქმით, სპეციალისტები მთელი ღამის განმავლობაში მუშაობდნენ, წყლის მიწოდება კი ნაწილობრივ აღდგენილია.

  • მერმა აღნიშნა, რომ ენერგეტიკოსები ყველა ღონეს ხმარობენ, რათა ელექტრომომარაგება რაც შეიძლება მალე აღდგეს, თუმცა ეს მთელი ქვეყნის ენერგოსისტემაში ბალანსის აღდგენაზე იქნება დამოკიდებული.
  • ასევე, დასძინა, რომ დედაქალაქში მობილურ კავშირთან დაკავშირებული ხარვეზები კვლავ პრობლემად რჩება.