უნგრეთის პრემიერმინისტრი ვიქტორ ორბანი "დიდი უნგრეთის" რუკიანი კაშნეთი გამოჩნდა, რის გამოც გააკრიტიკეს.

რატომ არის მნიშვნელოვანი: კაშნეზე გამოსახულ რუკაზე უნგრეთის შემადგენლობაში მეზობელი სახელმწიფოს ნაწილებია მოქცეული, მათ შორის — უკრაინის.

  • ასევე, ევროკავშირის ქვეყნების, ავსტრიის, სლოვაკეთის, რუმინეთისა და ხორვატიის ტერიტორიებიც უნგრეთის შემადგენლობაშია.
  • უკრაინამ განაცხადა, რომ საგარეო საქმეთა სამინისტროში უნგრეთის ელჩს დაიბარებენ.
  • რუმინეთის საგარეო საქმეთა სამინისტრომ კი "მტკიცე უკმაყოფილება" გამოთქვა ორბანის კაშნეს გამო.

დეტალები: "მოდი არ დავინახოთ ის, რაც იქ არ არის", — დაწერა უნგრთის პრემიერმინისტრმა სოციალურ ქსელში.

  • "უნგრეთის ნაკრები არის ყველა უნგრელის გუნდი, სადაც არ უნდა ცხოვრობდეს ისინი!"

ამასთან, ეს არ არის პირველი შემთხვევა, როცა ორბანი "დიდი უნგრეთის" თემით აპელირებს.

  • 2020 წელს მან გამოაქვეყნა გლობუსის ფოტო, სადაც, ასევე, ნაჩვენებია უნგრეთის სამეფოს საზღვრები პირველი მსოფლიო ომის დასრულებამდე;
  • 1920 წელს უნგრეთის სამეფომ ტერიტორიის დიდი ნაწილი დაკარგა, რაც ქვეყანაში ჯერ კიდევ დიდ ისტორიულ სირცხვილად ითვლება.