2022 წლის იანვარ-ოქტომბერში რუსეთიდან საწვავის იმპორტი გასული წლის ანალოგიურ პერიოდთან შედარებით თანხობრივად 371%-ით — $495 მილიონამდე გაიზარდა. ინფორმაციას საქსტატი ავრცელებს.

რატომ არის მნიშვნელოვანი: რუსეთის უკრაინაში შეჭრის შემდეგ საქართველოს რუსეთზე იმპორტდამოკიდებულება გაიზარდა.

  • რუსეთიდან ჯამურმა იმპორტმა 10 თვეში $1,4 მილიარდს გადააჭარბა;
  • რუსეთის წილი ნავთობპროდუქტების იმპორტში 16,1%-დან 43,6%-მდე გაიზარდა.

დეტალები: გლობალურ ბაზარზე ნავთობის გაძვირების ფონზე, შედარებით იაფი რუსული საწვავის გამო საქართველოდან მასზე მოთხოვნა გაიზარდა.

  • კონკურენციის სააგენტოს კვლევის მიხედვით საცალო ქსელში რუსულ ბენზინზე ფასნამატი სხვა ქვეყნებისას რამდენჯერმე აჭარბებდა.

გარდა საწვავისა, დანარჩენი პროდუქციის იმპორტი რუსეთიდან $212 მილიონითაა გაზრდილი.