ქართველი ფოტოგრაფი მარიკა ლორთქიფანიძე Head On-ის საერთაშორისო ფოტოფესტივალის გამარჯვებული გახდა. სიდნეიში გამართულ ფესტივალზე მარიკამ პორტრეტების კატეგორიაში პირველი ადგილი მოიპოვა.

ფოტო: მარიკა ლორთქიფანიძე

"ფოტო გადაღებულია სპექტაკლ 'სამგროშიან ოპერაზე' მუშაობისას და გვიჩვენებს საზოგადოებასა და დაუნის სინდრომის მქონე ადამიანებს შორის ურთიერთობას. იმას გვიჩვენებს, რომ უხილავი კარების მიღმა არიან ადამიანები, რომელთაც ისევე სურთ და შეუძლიათ სრულყოფილად იცხოვრონ — უყვარდეთ, ეშინოდეთ, წარმატებას მიაღწიონ, დამარცხდნენ, დაეცნენ და ფეხზე დადგნენ — როგორც ჩვენ ყველას", — ვკითხულობთ მარიკა ლორთქიფანიძის ფოტოს, "უხილავი კარების", აღწერაში.

აღსანიშნავია, რომ ფესტივალში 600-ზე მეტი ხელოვანი მონაწილეობდა. მარიკას ნამუშევარი The Guardian-ის სტატიაშიც მოხვდა.