ისრაელის თავდაცვის მინისტრმა, ბენი განციმ განაცხადა, რომ ისრაელს არ აქვს საწარმოო შესაძლებლობები, რომ უკრაინას საჰაერო თავდაცვის სისტემები მიაწოდოს.

რატომ არის მნიშვნელოვანი: რუსეთის უკრაინაში შეჭრის შემდეგ, უკრაინამ არაერთხელ მიმართა ისრაელს სამხედრო მხარდაჭერის თხოვნით.

  • მას შემდეგ, რაც რუსეთმა უკრაინაში ირანული წარმოების დრონების გამოყენება დაიწყო, კიევმა ისრაელს საჰაერო თავდაცვის სისტემების, რკინის გუმბათის მიწოდება სთხოვა.
  • უკრაინის პრეზიდენტმა განაცხადა, რომ დროა ისრაელმა აირჩიოს, ვის მხარესაა.
  • პასუხად, ისრაელის თავდაცვის მინისტრმა განაცხადა, რომ არ შეუძლიათ.

დეტალები: ისრაელმა უკრაინას გაუგზავნა ჰუმანიტარული დახმარება და სამედიცინო აღჭურვილობა, მაგრამ უარს ამბობს სამხედრო დახმარების გაწევაზე.

  • "თუნდაც ეს ჩვენი პოლიტიკის ცვლილებად ჩაითვალოს, შეუძლებელია ჩვენი საჰაერო თავდაცვის სისტემების მარაგის დაცარიელება", — განუცხადა განცმა ჟურნალისტებს.
  • "ჩვენ ყოველდღე ვამოწმებთ, რა შეიძლება გაკეთდეს და როგორ გავაფართოოთ ჩვენი დახმარება, მაგრამ არ უნდა დაგვავიწყდეს, რომ ნატო დგას უკრაინის უკან", — აღნიშნა ისრაელის თავდაცვის მინისტრმა.