ამერიკის პრეზიდენტი დონალდ ტრამპი მედია გამოცემებს ტვიტერიდან თავს დაესხა და მათ ყალბი უწოდა. გავრცელებული ინფორმაციის მიხედვით, პრეზიდენტის სიძე, ჯარედ კუშნერი, არჩევნებში ტრამპის გამარჯვებამდე, მოსკოვთან ფარულად კავშირის დამყარებას ცდილობდა.

ტრამპი ევროპასა და ახლო-აღმოსავლეთში 9 დღიანი ვიზიტის შემდეგ, ამერიკაში გუშინ დაბრუნდა. როიტერსის ინფორმაციით, პრეზიდენტმა კვირას ღამით კუშნერზე ისაუბრა:

"ჩემი აზრით, ბევრი ინფორმაცია, რაც თეთრი სახლიდან ჟონავს, ფაბრიკაციაა. ჯარედი კი თავისი ქვეყნისთვის ბევრ კარგს აკეთებს. მას ბოლომდე ვენდობი. ის ისეთ პროგრამებზე მუშაობს, რომლებიც ჩვენს ქვეყანას მილიარდობით დოლარის დაკარგვისგან იცავს. ის ძალიან კარგი პიროვნებაა".

ჯარედ კუშნერი ტრამპის შვილის, ივანკა ტრამპის, ქმარია. ის თეთრ სახლში, ივანკასთან ერთად, პრეზიდენტის უფროსი მრჩევლის პოზიციაზეც მუშაობს.