ინფორმაციას ამის შესახებ საქართველოს პროკურატურა ავრცელებს.

რატომ არის მნიშვნელოვანი: ორ პირს, რომლებიც 2022 წლის 27 იანვარს დააკავეს, ბრალად შეზღუდული შესაძლებლობების მქონე არასრულწლოვანის გაუპატიურების, სექსუალური ხასიათის სხვაგვარი ქმედებისა და გარყვნილი ქმედების ფაქტებზე ჰქონდათ წარდგენილი.

  • უწყების ცნობით, გამოძიებამ დაადგინა, რომ ერთ-ერთი ბრალდებული გერს სისტემატურად აუპატიურებდა და მასთან სექსუალური ხასიათის ქმედებებს ახორციელებდა.
  • ხოლო ბრალდებულის მამა არასრულწლოვანის სისტემატურად ახორციელებდა სექსუალური ხასიათისა და ასევე, გარყვნილ ქმედებას.

დეტალები: პროკურატურაში განმარტავენ, რომ ბრალდების მხარის მიერ მოპოვებული მტკიცებულებები სიღნაღის რაიონულ სასამართლოში სრულად იქნა გამოკვლეული, რა დროსაც, როგორც დაზარალებულმა, ასევე, მოწმეებმა ძალადობის ფაქტი სრულად დაადასტურეს.

  • ექსპერტიზის დასკვნით დადგინდა, რომ დაზარალებულმა ბრალდებულების მიერ ჩადენილი ძალადობის შედეგად განიცადა ფსიქოლოგიური ტანჯვა";
  • "გამოკვლეულ იქნა აუდიომასალა, სადაც დაზარალებული საუბრობს მის მიმართ განხორციელებული სექსუალური ძალადობის ფაქტებზე".

მიუხედავად ამისა, უწყების ცნობით, სასამართლომ არ გაიზიარა ბრალდების მხარის მტკიცებულებები, ორივე ბრალდებული უდანაშაულოდ ცნო და პატიმრობიდან გაათავისუფლა.

  • პროკურატურა აპირებს, სიღნაღის სასამართლოს განაჩენი თბილისის სააპელაციო სასამართლოში გაასაჩივროს.