ეგვიპტური მედიის ცნობით, სულ ცოტა, 23 ადამიანი დაიღუპა, ხოლო 25 დაშავდა ცენტრალურ ეგვიპტეში, ქაიროდან 250 კილომეტრის მოშორებით, მინიას პროვინციაში შეიარაღებული თავდასხმის შედეგად. შეიარაღებული პირი თავს დაესხა ავტობუსს, რომელსაც ეგვიპტელი ქრისტიანები (კოპტები) ეკლესიაში გადაჰყავდა. ბოლო ცნობებით, ყველა გარდაცვლილი ქრისტიანია.

შეგახსენებთ, რომ გასული თვეების განმავლობაში, ეს არ არის ქრისტიანებზე თავდასხმის პირველი შემთხვევა. 9 აპრილს ტანტასა და ალექსანდრიაში ქრისტიანულ ეკლესიებზე თავდასხმას სულ 46 ადამიანი შეეწირა. ტერაქტებზე პასუხისმგებლობა ტერორისტულმა დაჯგუფება ისლამურმა სახელმწიფომ აიღო.