ამის შესახებ ოკუპანტი ქვეყნის პრეზიდენტმა ასტანაში დსთ-ის ქვეყნების ლიდერების სხდომის დასრულების შემდეგ თქვა.

რატომ არის მნიშვნელოვანი: პუტინმა სამხედრო მობილიზაცია 21 სექტემბერს გამოაცხადა. თუმცა ექსპერტების შეფასებით, ის არაეფექტური იყო — შეცდომები აღიარა ვლადიმერ პუტინმაც და მისი გამოსწორება მოითხოვა.

  • არადა, პუტინი და კრემლის პირველი პირები თვეების განმავლობაში იმეორებდნენ, რომ მობილიზაციის აუცილებლობა არ არსებობდა. ამ გადაწყვეტილებით კი გამოჩნდა, რომ რუსეთი არსებული რესურსებით უკრაინულ ძალებს ვერ უმკლავდება.
  • პუტინმა გადაწყვეტილების გამართლება პროპაგანდისტული ნარატივით სცადა და განაცხადა, თითქოს რუსული ჯარები არამხოლოდ "ნეონაცისტურ ჯგუფებს", არამედ "კოლექტიურ დასავლეთს" ებრძვიან.

დეტალები: "ახლა 300 ათასიდან 222 000 კაცია მობილიზებული ჯარში. ვფიქრობ, ყველა სამობილიზაციო აქტივობა დაახლოებით ორ კვირაში დასრულდება", — თქვა პუტინმა.

  • ასევე, ამტკიცებს, რომ თავდაპირველად რუსეთის თავდაცვის უწყება უფრო მცირე რაოდენობის პირთა მობილიზებას ვარაუდობდა.
  • მისი თქმით, რუსეთში ნაწილობრივი მობილიზაცია დასრულებულია და საყოველთაო მობილიზება არ იგეგმება, რადგან "ამის ვერავითარ საჭიროებას ვერ ხედავს".