აშშ-ის წარმომადგენელთა პალატის სპიკერი ერევანში ცოტა ხნის წინ ჩაფრინდა.

რატომ არის მნიშვნელოვანი: 12 სექტემბერს დილით გავრცელდა ინფორმაცია, რომ აზერბაიჯანულმა მხარემ ცეცხლი გაუხსნა მთიან ყარაბაღის ორ დასახლებას — კარმირ შუკასა და თაღავარდს.

  • აზერბაიჯანის თავდაცვის სამინისტრო კი ამტკიცებდა, რომ სომხეთის შეიარაღებული ძალები რამდენიმე დღეა აზერბაიჯანის პოზიციების მიმართულებით ისვრიან, რასაც სომხეთის უარყოფდა;
  • საღამოს კი ცნობილი გახდა, რომ აზერბაიჯანი სომხეთის 3 ქალაქს ინტენსიურად ბომბავდა.
  • 13 სექტემბერს სხვადასხვა წყარო ავრცელებდა ინფორმაციას, რომ აზერბაიჯანი და სომხეთი ცეცხლის შეწყვეტაზე შეთანხმდნენ. მოგვიანებით, ეს რუსეთმა ოფიციალურად დაადასტურა, თუმცა სროლა არ შეწყვეტილა.
  • 15 სეტქემბერს კი სომხეთმა განაცხადა, რომ ცეცხლის შეწყვეტის შეთანხმება მიღწეულია.

დეტალები: სომხეთში პელოსის სავარაუდო ვიზიტის შესახებ ინფორმაცია თავდაპირველად POLITICO-მ გაავრცელა და წერდა, რომ ის ერევანში შაბათ-კვირას ჩავიდოდა.

  • როგორც ცნობილია, პელოსი ქვეყნის პრემიერმინისტრს, ნიკოლ ფაშინიანს, სამოქალაქო საზოგადოების წევრებს, უსაფრთხოების სამსახურის წარმომადგენლებსა და მთავრობის სხვა ლიდერებს შეხვდება.
  • აღსანიშნია, რომ ტაივანიდან დაბრუნების შემდეგ ეს მისი პირველი ოფიციალური ვიზიტია.
  • "ჩვენ გადავცემთ აშშ-ის, როგორც ეუთოს მინსკის თავმჯდომარის და სომხეთის დიდი ხნის მეგობრის მტკიცე და მუდმივ მხარდაჭერას მთიანი ყარაბაღის კონფლიქტის მოგვარებისთვის", — დაწერა მან Twitter-ზე.

ბოლო ცნობებით, შეტაკებების შედეგად სომხეთში 135 ადამიანი დაიღუპა, აზერბაიჯანში — 77.