ამის შესახებ ომის კვლევის ინსტიტუტის (ISW) ანგარიშშია ნათქვამი.

რატომ არის მნიშვნელოვანი: უკრაინას წარმატებული კონტრშეტევა აქვს ხარკოვისა და ხერსონის მიმართულებით.

  • ყოველდღე ვრცელდება ვიდეოები, რომლებზეც ჩანს, როგორ ვარდება გათავისუფლებულ დასახლებებში რუსული და იშლება უკრაინული დროშა.
  • რუსეთი ძალიან ცდილობდა, მარცხი არ აღიარებინა და ამტკიცებდა, თითქოს უკან კი არ იხევს, არამედ ტაქტიკურ გადაჯგუფებას ახდენს.
  • ახლა, როცა რუსეთი ფრონტის ხაზზე მარცხდება, პროპაგანდისტული ნარატივები გაცილებით უფრო გაძლიერდა.

დეტალები: ანგარიშის მიხედვით, ნაცვლად ამისა, კრემლის წყაროები მუშაობენ იმაზე, რომ ხარკოვის ოლქის დაკარგვა მისი გარემოცვის არაინფორმირებულ სამხედრო მრჩევლებს დააბრალონ.

  • ასევე, აღნიშნულია, რომ რომ ხარკოვის ოლქი პირველია, სადაც კრემლმა საკუთარი მარცხი აღიარა.
  • მიუთითებენ, რომ თავდაპირველად რუსეთი ცრუ ნარატივს ავრცელებდა და უკანდახევას გადაჯგუფება უწოდებდა, თუმცა მას ონლაინ სივრცეში კრიტიკა მოჰყვა.
  • ამასთან, პროპაგანდისტული მედიები ინტენსიურად განიხილავენ დამარცხების მიზეზებს, რაც მათი წინანდელი რიტორიკისგან განსხვავებულია.

ISW წერს, რომ დამარცხების აღიარება მცდელობაა, შეამსუბუქონ პუტინის კრიტიკა ხარკოვში განცდილი მარცხის გამო და ის რუსეთის თავდაცვის სამინისტროსა და სამხედრო სარდლობისკენ მიმართონ.

გარდა ამისა, ანგარიშში ვკითხულობთ, რომ ხარკოვის ოლქში დამარცხება უკრაინის ოკუპირებულ ტერიტორიებზე მყოფ რუსებსა და სამხედროებში პანიკას იწვევს.

  • ომის კვლევის ინსტიტუტი უკრაინის მთავარი სამხედრო დაზვერვაზე დაყრდნობით წერს, რომ ყირიმში ხელისუფლება მათ ოჯახებს რუსეთში გაქცევისკენ მოუწოდებს.
  • ამასთან, გუშინ პუტინის სპიკერმა, დმიტრი პესკოვმა თქვა, რომ კრემლი ხარკოვში უკრაინელი ჯარისკაცების ქმედებებით აღშფოთებულია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში.