ოკუპანტი ქვეყანა, რომელმაც ასეულობით ომის დანაშაული ჩაიდინა, ბედავს და უკრაინელ ჯარისკაცებს, რომლებიც ხარკოვის ტერიტორიებს ათავისუფლებენ, სადამსჯელო ქმედებებს აბრალებს.

რატომ არის მნიშვნელოვანი: უკრაინას წარმატებული კონტრშეტევა აქვს ხარკოვისა და ხერსონის მიმართულებით.

  • ყოველდღე ვრცელდება ვიდეოები, რომლებზეც ჩანს, როგორ ვარდება გათავისუფლებულ დასახლებებში რუსული და იშლება უკრაინული დროშა.
  • რუსეთი ძალიან ცდილობს, მარცხი არ აღიაროს და ამტკიცებს, თითქოს უკან კი არ იხევს, არამედ ტაქტიკურ გადაჯგუფებას ახდენს.
  • ახლა, როცა რუსეთი ფრონტის ხაზზე მარცხდება, პროპაგანდისტული ნარატივები გაცილებით უფრო გაძლიერდა.

დეტალები: ვლადიმერ პუტინის პრესსპიკერის, დმიტრი პესკოვის განცხადებით, ხარკოვიდან იღებენ ინფორმაციას, რომ ხდება "უამრავი სადამსჯელო ქმედება, რომელიც არანაირ ჩარჩოში არ ჯდება".

  • ის ამტკიცებს, თითქოს უკრაინელები საკუთარ მოქალაქეებს, რომლებიც ოკუპანტის ტყვეობისგან გაათავისუფლეს, აწამებენ და დასცინიან.

რა ხდება სინამდვილეში: ISW-ის ცნობით, უკრაინულმა ძალებმა რუსეთს დიდი ოპერატიული მარცხი მიაყენეს და სწრაფი კონტრშეტევის შედეგად თითქმის მთელი ხარკოვის ოლქი დაიბრუნეს.

  • ოკუპანტებისაგან გათავისუფლებულ ერთე-ერთ სოფელში 11 სექტემბერს სამართალდამცავებმა აღმოაჩინეს ოთხი ცხედარი წამების კვალით.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში.