TripAdvisor-ის მომხმარებლებმა 2017 წლის 10 საუკეთესო სანაპირო გამოავლინეს

ზაფხული ახლოვდება და დამქანცველი სამუშაო წლის ბოლოს, ყველა დასვენებასა და განტვირთვაზე ფიქრობს.

ოქროსფერი ქვიშისა თუ ლურჯი სანაპიროს მოყვარულების TripAdvisor-ის რეიტინგების მიხედვით გამოვლენილ, მსოფლიოს 10 საუკეთესო სანაპიროს წარმოგიდგენთ:

1. ბაია დო სანჩო, ბრაზილია

ბაია დო სანჩოს სანაპირო ბრაზილიაში მდებარეობს. კრისტალურად სუფთა წყალი, რომელიც ნამდვილი მისწრებაა სერფინგის მოყვარულებისათვის და თვალწარმტაცი ხედები, მას მსოფლიოს საუკეთესო სანაპიროს ტიტულს ანიჭებს.

2. გრეის ბეის სანაპირო

გრეის ბეის სანაპირო, 2016 წელს, იმავე ჩამონათვალში პირველი ადგილის იკავებდა. ხუთ ვარსკვლავიანი მომსახურება და დაბალი ფასები ამ ადგილის სავიზიტო ბარათია.

3. იგლის სანაპირო, კარიბი

თეთრი ქვიშა და ფირუზისფერი ზღვა, აქ თავს ნამდვილს სამოთხეში გაგრძნობინებთ.

4. პლაია პარასიო, კუბა

პლაია პარასიოს სანაპირო კუბაში მდებარეობს. მართალია, აქაური მაღალი ფასები კრიტიკას ვერ უძლებს, თუმცა თავად სანაპირო ნამდვილად შთამბეჭდავია.

5. სიესტას სანაპირო, აშშ

სიესტას სანაპირო აშშ-ში, ფლორიდას შტატშია და მოგზაურთა გადაწყვეტილებით ის სიის მეხუთე ადგილს იკავებს.

6. ლა კონჩას სანაპირო, ესპანეთი

მართალია, ლა კონჩას სანაპირო სიის მეექვსე ადგილს იკავებს, თუმცა აღსანიშნავია, რომ ის ევროპის კონტინენტზე ლიდერის პოზიციას არავის უთმობს. ამ უჩვეულო სანაპიროსა და პატარა კუნძულების ნახვა კი ნებისმიერი მოგზაურის ოცნება იქნებოდა. უვიზო რეჟიმის წყალობით, ახლა თქვენც მარტივად შეძლებთ აქ გამგზავრებას.