ინფორმაციას ყოფილ დეპუტატზე, ილია პონომარევზე დაყრდნობით The Guardian ავრცელებს.

რატომ არის მნიშვნელოვანი: რუსეთში ვლადიმერ პუტინის იდეოლოგის, ალექსანდრ დუგინის შვილი მანქანის აფეთქების შედეგად დაიღუპა.

  • უკრაინული მედიების ცნობით, ოკუპანტებმა მომხდარში უკრაინა დაადანაშაულეს.

  • ბრალდებებს უარყოფს კიევი — პოდოლიაკმა აღნიშნა, რომ რუსეთისგან განსხვავებით უკრაინა კრიმინალურ სახელმწიფოს არ წარმოადგენს.

დეტალები: მისი თქმით, ეს ქმედება რუსულმა დაჯგუფებამ, ეროვნულმა რესპუბლიკურმა არმიამ განახორციელა.

  • ყოფილი დეპუტატი ამბობს, რომ პარტიზანები მზად არიან, მომავალში კრემლთან დაკავშირებულ ობიექტებზე მსგავსი თავდასხმები გააგრძელონ — ამის შესახებ ის დაჯგუფების მიერ გავრცელებულ განცხადებაზე დაყრდნობით საუბრობს.
  • "ჩვენ პრეზიდენტ პუტინს ძალაუფლების უზურპატორად და ომის დამნაშავედ ვაცხადებთ, რომელმაც კონსტიტუცია შეცვალა კონსტიტუცია, დაიწყო ძმათამკვლელი ომი და რუსი სამხედროები გარდაუვალ და უაზრო სიკვდილისთვის გააგზავნა", — წაიკითხა დეპუტატმა დაჯგუფების განცხადების ნაწყვეტი.

ილია პონომარევი ამჟამად კიევში ცხოვრობს. როგორც The Guardian წერს, ამის შესახებ მან საკუთარ ტელევიზიაში ისაუბრა.

  • მედიის ცნობით, დეპუტატი დუმადან ანტიკრემლისტური საქმიანობების გამო გააძევეს.